“Mbara Tjiundje twe ku raera kutja matu vanga Ombara Otjitambi, nga rire ndje ya kwete mba. Ene katu nokumuhepa. Pitee mohofa,”

Omuisane Omukuru Nguvitjita Toromba

Ombongarero Ombara Otjitambi Vekuii Rukoro ndja isanene kOtjinene tji ya ri 27 Etengarindi 2021 oku- handjaura omazikiro worata onene morukondwa ndu wa kehi yOmbara Join Kambirongo ya yandere mozombongarero mbari nu ai sekamisa ongendo onene ohunga nowini wehi mOrukondwa rwa Tjinene.

Ombara Otjitambi yOvaherero, Advokaat Vekuii Rukoro, oruhindo rwe notjiwana va woronganene pu Ngauzepo pu pa ri apa isanenwa ombongarero yehepu. Ombara Join Kambirongo, ovayandjaruvara novemukongorere va woronganene pOkomando yOuhonapare wOva- herero mOtjinene pu va haamisire ombongarero yarwe.

Ombara Otjitambi ya hindire Ombara Bethold Tjiundje ya Mongua, Ombara Piket Kapukare wa Kotjituuo ave tja , “twa hindwa Ombara Otjitambi ya tja indjee kombongarero i ri ngo. Eye ma munu kutja pona mba mu nombongarero posi ombongarero i ri ngo, indji ndja isana. Indjee mu kemupuratene ovina mbi ma hun- gire.” Toromba maku zu wa puratena keziriro ndo, a yarura kotjiwana nu a ziri ousipi a tja, “Mbara Tjiundje ete twe ku raera rukuru kutja okazika omundu ngo nu o kazika. Mbara Tji- undje twe ku raera kutja matu vanga Ombara Otjitambi, nga rire ndje ya kwete mba. Ene katu nokumuhepa. Pitee mohofa,” Omuisane Omukuru Nguvitjita Toromba maku zu a tja nao, otja kOmbara Kapukare. Momapu wombongarero ndjo mwa ri ehepu ohunga nomazikiro wOmbara Muute Tjijahura otjomunane wOkehi yOmuramba na wina ongondononeno ohunga nomaturisiro womihoko vyarwe mOtjinene.

Ndoovazu ombongarero ya ri okuzuvisa Ombara Join Kambirongo ohunga nomazikiro wOmbara Muute Tjijahura ngwa ri orata ye koure wozombura, oyo ya karirire ohunga norapota ohunga nomahi ovengi vo- vandu ku va tjere, tji ve tja va yekwa ehi nu Ohoromendu i handurisa ovandu nongarera, okurandisa omahi komihoko vyarwe kwe tu yeka eraka

rokuyandja ondjemeno ndjo.
Ehepu nda yandjwa in Benestus Tjizapouzeu Uahupirapi ra raisire ehi ndi ri mozombakana zOmbara Join Kambirongo nu romikuro ku na orO- muhona Tjipura na rarwe rOmbara Maharero kutja ozokilometa 85 poo ozohekta 49 420.
Wina kwa zire omuhungire weraka rarwe ngu maku zu o Jafet wa tur- isiwa mehi rOmbara Kambirongo nousemba wOmbara Maharero. Ovakwendata 11 tjiva mbe ri mohoro- mende nozongetjefa omba turisiwa momahi ngwa kondwa mu indo, otja ku Uahupirapi. Eye wa raisire kutja kombunda yehepu ndo tji ra yandjwa mOpuwo, oro re ya okuyandjwa pom- bongarero yapeke mEpata Ombara Otjitambi pa umbwa omambo omavi. Nandarire ingwi okutja ombongarero ya kakarere ombaturuke kovature avehe nu imba mbu ya ri aya tander- wa va nangerwe ave panda, mwa ri na tjiva mbaave munu kutja ya ri amai sokunambekwa otja Ovaherero tji ve nambeka ovina mbi vetisa ovanane oviuru.
Ombara Otjitambi yOvaherero Vekuii Rukoro wa raisire kutja kena pa ramba omunane. Wina wa raisire kutja omahepu wombwiko yotjiwa- na na wina outumbe wozongombe zotjiwana ye yandjwa pu ngamwa ombongarero yOtjirata tjOzombara. Posi kombunda yozombongarero mbari ndo Omutjangerepo wOuhana- pare wOvaherero (OTA) Mutjinde Katjiua wa kawire meni rovarande vomahi ndo wina. Munda mbwi owe pa pitire ozombapira nda twirwe ko- tungovi okuraisa kutja eye mOtjinene wa handurisiwa i yOmbara Tjinaani Maharero wOmaharero Royal House Traditional Authority ngunda o OTA ai tja Ovaherero ave nuka eyuru mounane wOmbara Maharero mbo. Wina ongumunine ndja ryangisirwe otjeraka motungovi ya ri kutja Ombara Otjitambi yOvaherero oini ya randa ehi kOutemba ua Kotjituuo nu kamaai sokutjaera omarandisiro womahi.

Katjiua wa raisire kutja okuturisiwa kwe kwa ri kehi yondiero yOtjirata

Tjozombara (Chiefs Council) ndjaai tira kutja omihoko vyarwe kehi yon- garo ndja tumbuka mavi ya okuyeka Otjiwana omakombehi otja tji vya utire movirongo vyarwe.

Katjiua wa hohizire indji ondjakaha indu tja raisire kutja ozombara za Tjinene za kaiya okutwa ombwiko yotjitjamurongo tjokuza momarandi- siro wovinamuinyo momaungurisiro omawa wondungiro yotjiwana nan- darire kutja za pewa ozondunge ozengi zokunyomokisa otjiwana nombwiko ndjo.

Otja ku inga omazikiro wOmbara Tjijahura, o OTA ya raisire kutja ondiero yokumuzika ya tjitwa kombunda yozombongarero ine nu Ombara Kambirongo tjiva zazo mu ya ri norupa.

Aihe ndji ya ri ongaendero ndji twire ovandu ovengi vaTjinene puna Ombara Kambirongo na varwe munda wOmbara Otjitam- bi yOvaherero nounane we. Omundu Magazine kanaa ya zikamisire kutja eraka rokunin- gira ondjesiro nda rimbarisirwe motungovi tji ya ri 17 Seninarindi 2021 ra ri Ombara Kambirongo ngwa ria ma ningire mo ondjesiro ohunga notjina kaani tja tjita poo ra ri oromundu warwe ngwaa ningire ondjesiro.

Ondero yOtjiwana atjihe mai rire ovanane tji mave kaenda pu nOm- bara Otjitambi Vekuii Rukoro na wina tji mave paha okuzuvasana momuhingo mbu hina okurira wokutwasana poruhaera. Omaundjiro maye hepa kutja ovaungure pu nOmbara Otjitambi aveha taka omaindjambo noku- muundurira mozombongarero zokuhungamasana na wina Ozombara za puna ye okuhina okutoora ozondiero ndu maze nd- jombakanisa ehupiro rotjiwana nokunenuna ouvara womunane wotjiwana.

Kombanda ya avihe, mape hepa ondarasaneno momananeno nomayarukirasaneno ombunda mondero yotjiwana.