Me tja okuhepa kozonongo ozombwa nḓe kondjisa okunyomokisa eraka retu rOtjiherero, tjinene komberoo yetu yo National Institute for Educational Development (NIED). Eraka retu ra hara omuinyo, ra penduka. Me yandja okuhepa kwapeke konongo Ratjindua Kambatuku kokuṱuna omahandjauriro womiano vya Tjipangandjara.

Tjinene tja ṱunine omuano mbwi “ Kao ya nata Kaambi”. Okavara inga okaṱiṱi okaapa, oku ka taara otjivara ihi otjivambi otjingi: opu pe heya kutja Kao ya nata Kaambi. Ami mba zuva nao . Ongombe ndjo aai ṱire eo ( otjivara). Tji mo vanga okurira omukavire omuwa, u sokutuurunga mokunatwa amoo karira ye.

Me ningire kozonongo zeraka rOtjiherero tjimuna Ratjindua Kambatuku okurikwamba kovakwao. 

Ami wina me hoha ko omiano vya Tjipangandjara tjiva.

1. Ngwe ze rondeke kangu me ze nu: Okutja ngwe vi woronganisa kangu me vi ri poo kangu ma kara na vyo. 
2. Ndi pita ombinda kandi pita omukonge: Ndi wa kaeva kao rouṋingandu woye. Omuyeve u pumbwa. 
3. Hambuindja aya ṱa po kai munu omuti mbwe ripeta: Tji we ya poṋa pu wa ihamisiwa poo okumuna ombandjarero, aruhe mo kengeza
4. Ezumo ri ṱurumikwa: O nyekerere omundu omusyona 
5. Hanganda aya kupwa nyoko kai pura omasekiro: Pu pa kupwa omundu woyeṋu mo herukire po oupupu. 
6. Tjiuti kora tjaa tji kekukore: Tumba omuatje ngunda ae ri omuṱiṱi kutja tja eta omasa me kekutumbe.
7. Onyandere mo ondandona mozonḓu: Onyandere movakwenu poo movina 
8. Ongunga ku za ya ṱu kaku zu yatira: Omundu tje ri umwe u riyandjera okuṱira potje.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Oyo ongombe kongwao

Omututu kombando tjiuru, 

Ombepera nombura vinotjitjaere 

Ozombotu ozombua zakuizikua, 

Ii mbarar ndarara Tjova! 

 

Etundu jaoronganisa, 

Avehe vehupa pamue mouua .

Momaandero uomueze mainjimisisa 

Avehe ouihi pokakopi 

 

Ourumbu Kavihakaene 

Jahirimana oja ondundu onduezu!

Nokuhina yo kapene ha!

Ojo oini ourenga. 

 

Ongorongova ja kuizikua 

Orujaveze orusopoke 

Ovahongua novavere maitiza 

Ondjirijo ngatukare najo

 

Ndjiuo yandje osuverua. 

Uetutiza naua atuhe Ondikameno yoye, yetupa outongatima!

Matunu move mature move ndjiuo yetu.